Yuz ko‘rsatib o‘lturursen, ey oy,

Yo‘q sen kibi xudnamou xudroy.

 

Qadding «alif»u qoshing erur «yo»,

Desam ne ajab agar seni oy.

 

Ham lola yuzung qoshida berang,

Ham sarv qading borida bepoy.

 

O‘qung yuragimda jo qilibdur,

Tortib yana, o‘qni qilma bejoy.

 

Sendin manga yuz hazor hasrat,

Sendin manga bormu hech parvoy.

 

Ul yor agar yoshursa yuz, oh,

Аg‘yorg‘a gar ko‘runsa – yuz voy.

 

Kulmas manga subhi vasl, Bobur,

Har nechaki hajr shomi yig‘lay.