Gahi sog‘in, ne bo‘ldi, zorlarni,

Unutmag‘il burunqi yorlarni.

 

Seni ko‘rmay, yirokdin zor bo‘ldum,

Biror yod et yiroqdin zorlarni.

 

Yuzungdin ayru men xor, ey azizim,

Kishi guldin ayirmas xorlarni.

 

Ko‘zung bemorimen, mendin yumub ko‘z,

Yana og‘ritmag‘il bemorlarni.

 

Sanga ko‘nglumni oldurdum, jahonda,

Ko‘rubmen garchi ko‘p dildorlarni.

 

Sanga bir yo‘l yetar fikridadurmen,

Unutma bir yo‘li afgorlarni.

 

Sihi qadlarg‘a, Bobur, oshiq o‘lsang,

Burunroq ko‘zlagaysen dorlarni.