Sinov yoʻsinida ishlamoqda
Yo qoshing yanglig‘ egilgan jismi zorimnimu dey,
Yo sochingdek tiyra bo‘lg‘on ro‘zgorimnimu dey?
Hajri qotil birla ko‘nglum holatinmu sharh etay,
Dardi muhlik ichra joni beqarorimnimu dey?
Kunduz o‘lsa, tungacha aytaymu bepoyon g‘amim,
Kecha bo‘lsa, tongg‘a degru holi zorimnimu dey?
Telbau, madhushu bexud demakim, qildi seni,
La’li maygun, so‘zi mul, ko‘zi xumorimnimu dey?
Bobur, ul oyning quyoshdek orazi hijronida
Tongg‘a degru har kecha yulduz sanorimnimu dey?