Shukrilillah, aysh yuzlandiyu mehnat qolmadi,

Yetti ayyomi visolu shomi furqat qolmadi.

 

Yuzlanib amnu farog‘at, g‘ussau g‘am bo‘ldi daf’,

Аyshu ishrat keldi-yu, ranju mashaqqat qolmadi.

 

Mehnati hijronki, andin chok-chok erdi ko‘ngul,

Bo‘ldi rohatqa mubaddal, ul jarohat qolmadi.

 

Murtafe’ bo‘lg‘onda hijron, kel, tavaqquf qilmakim,

Intizoringni chekarga o‘zga toqat qolmadi.

 

Vaslinga yetkurdi davron oqibat Boburni, shukr,

Emdi davrondin manga aslo shikoyat qolmadi.