Chamanda sarvni o‘lturg‘uzub turur yurushi,

Qiyomate qo‘poribtur ot uzra o‘lturushi.

 

Meni shikastani qistab, qo‘ngulni g‘uncha qilur,

Qoshini chetmog‘i birla tor og‘zini burushi.

 

So‘rub g‘amimni, taajjub qilib, labin tishlar,

Ne xushturur menga irnini1 tishlabon so‘rushi.

 

Turar raqib chiroyin tursh qilib doim,

Tili chuchuk sanamim, yaxshidurmu bu turushi?

 

Ko‘rar raqibni doim, xayol etar meni g‘ayr,

Ne aylagay anga Boburki, g‘ayrdur ko‘rushi.