Eykim, quyosh ul yuzung, hilol ul qoshtur,

Po‘loddur ko‘nglungu bag‘ring toshdur.

Nomamg‘a agar yaxshi javobing yo‘qtur,

So‘kmak bila yod aylasang ham – xushtur.

***

Hajri aro oromu qarorim yo‘qtur,

Vaslig‘a yetarga ixtiyorim yo‘qtur.

Kimga ochayin rozki, yo‘q mahrami roz1,

G‘am kimga deyinki, g‘amgusorim2 yo‘qtur.

***

Ulkim, anga ilm ichra g‘olib yo‘qtur,

Dedimki, beri kelurg‘a rog‘ib3 yo‘qtur.

Dedimki, bu so‘z rost emastur, negakim,

Tolibni tilar andaki, tolib yo‘qtur.

***

Tuz oh, Zahiruddin Muhammad Bobur,

Yuz oh, Zahiruddin Muhammad Bobur!

Sarrishtai ayshdin ko‘ngulni zinhor

Uz, oh, Zahiruddin Muhammad Bobur!

***

Qayg‘ungni cheka-cheka qoribtur Bobur,

Rahm aylaki, o‘zidin boribtur Bobur.

Noranj yubordi sengakim, bilgaysen,

Ya’niki, bu nav’ sarg‘oribdur Bobur.