Bobur, necha bu dahr meni zor aylar?

Sabrimni kamu g‘amimni bisyor aylar.

To dahrdurur, budur aning rasmikim,

Аyrib kishini azizidin, xor aylar.

 

***

Qish bo‘ldiyu bo‘ldi barcha tomu tosh qor,

Jam’iyati bor kishiga bordur xush qor.

Bu qishda yomon yo‘lu parishon holim,

Yo Rab, meni yaxshilig‘ sarig‘a boshqor!

 

***

Аrbobi hasad so‘ziga buttung o‘xshar,

Begonalig‘ atvorini tuttung o‘xshar.

Bir dog‘i sog‘inmading bu fursatta meni,

Men xastani, ey yor, unuttung o‘xshar.

 

***

Vaslingg‘a ko‘ngul qiyossiz tolibtur,

Hajring aro ixtiyorsiz qolibtur.

Mushtoqlig‘im sharhini dey olmasmen,

Diydoringa ishtiyoq ko‘p g‘olibtur.

 

***

Ey bodi sabo, ayla Xurosong‘a guzar,

Mendin degil ul yori parisong‘a xabar.

Necha safar o‘z ko‘nglung uchun qilg‘aysen,

Emdi bizing uchun ayla bu yong‘a safar.