Ko‘pdin berikim, yoru diyorim yo‘qtur,

Bir lahzau bir nafas qarorim yo‘qtur.

Keldim bu sori o‘z ixtiyorim birla,

Lekin borurimda ixtiyorim yo‘qtur.

 

***

Qish garchi zamoni manqalu otashtur,

Lekin bu shito Hindta ko‘p dilkashtur.

Hangomi nishotu bodai beg‘ashtur,

May bo‘lmasa, ma’jun dog‘i bo‘lsa – xushtur.

 

***

Аhbobki, bazmida guliston xastur,

Yo‘q lek alar bazmida bizga dastur.

Gar sizda huzur birla jam’iyat bor,

Yuz shukr, bu jam’ behuzur ermastur.

 

***

Yuz shukr de, Boburki, karimi

G‘affor, Berdi sanga Sindu Hindu mulki bisyor.

Issiklig‘ig‘a gar senga yo‘qtur toqat,

Sovuq yuzini ko‘ray desang, G‘azni bor.

 

***

Ko‘nglumda o‘tu ikki ko‘zumda suvdur,

Men xastag‘a rahm qilki, holim budur.

G‘am kunduzi-yu firoq shomi yanglig‘,

Tun-kun menga ne qaroru ne uyqudur.