Eykim, bari she’r ahlig‘a sen xon yanglig‘!

She’ring bori she’rlarga sulton yanglig‘!

Mazmuni aning xati savodi ichra,

Zulmat arosida obihayvon yanglig‘!

 

***

Ne yor vafo qilg‘usi oxir, ne xarif,

Ne sayfu shito qolg‘usi boqiy, ne xarif,

Yuz hayfki, zoe’ o‘tadur umri aziz,

Аfsuski, botil boradur umri sharif.

 

***

Аndin berikim, qasdim uchun turdi firoq,

Yuz dardu alamni manga yetkurdi firoq,

Meni eshikingdin, netayin, surdi firoq,

Qil chora, yo‘q ersa, meni o‘lturdi firoq.

 

***

May tarkini qilg‘ali erurmen g‘amliq,

Bor tiyra ko‘ngulga har zamon darhamliq.

G‘am birla fasurdaliq halok etti meni,

May birla emish shodlig‘u xurramliq.

 

***

Oludai yuz tuman ma’osiy bo‘lmoq,

Yuz ranju tuman azob xosi bo‘lmoq.

Ko‘p yaxshi ekin ahli xiradning qoshida,

Kim, og‘ritibon atoni osiy bo‘lmoq.