Kim bor anga ilm, tolibi ilm kerak,

O‘rgangali ilm tolibi ilm kerak!

Men tolibi ilmu tolibi ilme yo‘q,

Men bormen ilm tolibi – ilm kerak.

 

***

Yuzung bila lablaring erur gul, muldek,

Balkim, yuzung olida erur gul quldek.

Bobur kibi ishqdin dam urmaydur edim,

Ey gul, meni ishqing ayladi bulbuldek.

 

***

Boburni burun mahrami asror etting,

Vaslingg‘a berib yo‘l, o‘zunga yor etting,

Oxir bording, dog‘i oni zor etting,

Hijron alami birla giriftor etting.

 

***

Lutf ettingu ko‘ngul bila jon o‘rgatting,

Vasling bila, ey jonu jahon, o‘rgatting.

Bu qatla yomonroq o‘lsa holim sensiz,

Аyb aylamagaysen-u, yomon o‘rgatting.

 

***

Xating bila ko‘nglagingni, irsol etting,

Qayg‘u bila mehnatimni poymol etting.

Ul xat bila xotirimni xursand aylab,

Bu ko‘nglak ila ko‘ngulni xushhol etting