Ko‘z sham’ini yorutqali mahvash kelding,

Sabr uyini kuydurg‘ali otash kelding,

Qilding meni kelganing bila minnatdor,

Rahmat senga, yaxshi keldingu xush kelding!

 

***

Sensiz necha g‘am birla maloli ko‘raling,

Hajring necha bo‘lg‘usi, visoli ko‘raling.

Hajringda necha xayol ila o‘tkaraling,

Lutf aylavu kelgilki, jamoli ko‘raling.

 

***

Eykim, yasabon yuzungni xurshid etting,

Furqat alamini jonga jovid etting.

Men seni dedim, sen o‘zgani qilding yod,

Navmid o‘lg‘il, chun meni navmid etting.

 

***

Yotlarni kerakki, oshno kam qilsang,

Har kimki vafo qilsa, jafo kam qilsang.

Navmid bo‘lur borcha vafodorlaring,

Gar shah nazaring birla vafo kam qilsang.

 

***

Hijron aro yod etib, meni shod etti,

Mahjur ko‘ngulni g‘amdin ozod etti.

Ne lutf edi, dey, huri parizod etti,

Go‘yoki buzuq Ka’bani obod etti