Har yerdaki gul bo‘lsa, tikon bo‘lsa, ne tong?!

Har qandaki may durdi don bo‘lsa, ne tong?!

She’rimda agar hazl, agar jid, kechurung,

Yaxshi borida agar yomon bo‘lsa, ne tong?!

 

***

Hijron g‘amidin necha shikoyat qilayin,

Kelgilki, vasldin hikoyat qilayin.

Tengri haqi, bizni deb agar sen kelsang,

Ko‘nglungdagidek lutfu inoyat qilayin.

 

***

Kelgilki, dame o‘lturubon may icholing,

Dunyo g‘amu ranjidin zamone kecholing.

Chun ayshu nishot lashkari saf tuzdi,

Ey mehnatu g‘ussa xayli, sizlar sijoling!

 

***

Ko‘rdung, dog‘i ko‘zungga giriftor etting,

So‘rdung, dog‘i so‘zungga giriftor etting.

Bu tab’u kamoling bila o‘z boshing uchun,

Boshdin meni o‘zungga giriftor etting.

 

***

Ey yor, hazin1 ko‘nglumni yod aylamading,

Mehringni kam aylading – ziyod aylamading.

Yo menda gunoh bordur, unutdung yo sen,

Oyo ne jihatdururki, yod aylamading?