To qilg‘ali zikri tab’ nomini ko‘ngul,

Vird ayladi tab’ ahli kalomini ko‘ngul.

To hajr g‘amu mehnati taskin topqay,

Istaydurur ahbob payomini ko‘ngul.

 ***

G‘avg‘oda may irtikob qilmoq mushkil,

Jong‘a kuch ila azob qilmoq mushkil,

Bo‘lmay dog‘i mast xob qilmoq mushkil,

Аhbobdin ijtinob qilmoq mushkil.

 

***

Ey yor, sening vaslinga yetmak mushkil,

Farxunda hadisingni eshitmak mushkil,

Ishqingni dog‘i bartaraf etmak mushkil,

Boshni olibon bir sari ketmak mushkil.

 

***

To vodiyi hajringda qilibmen manzil,

Surat bila garchi ayrumen men bedil.

Vallohki, ey yor, sening yodingdin

Bir lahzau bir zamon emasmen g‘ofil.

 

***

Jonig‘a yetishti tuzu tog‘ birla ko‘ngul,

Dardini tugatmas isitmog‘ birla ko‘ngul.

G‘urbatda oyoq birla badan yetmasdek,

Yuz shukrki, tinchdur qulog‘ birla ko‘ngul