Yakson karaming qoshida mudbiru muqbil,

Oson sening ollingda jame’i mushkil.

Yo lutfu inoyat oncha qilkim, ko‘taray,

Yo qahru g‘azabni toqatim boricha qil.

 

 ***

Yuz hamd angakim, hamdin aning ahli maqol,

Yuz yil desalar, tugatmagi amri muhol.

Vasfida xirad ojiz erur, notiqa – lol,

Ne nav’ sifat qilay seni jalla Jalol.

 

***

А’zo-yu javorihingni hozir qilg‘il,

Jon birla ko‘ngul hoziru nozir qilg‘il.

Har lahza bir andisha-yu bir fikrni qo‘y,

Аndisha-yu fikringni borin bir qilg‘il.

 

***

Ko‘zungdin erur, nazora qil, xastalig‘im,

Qoshingdin erur g‘am bila payvastalig‘im.

Boshimni olib ketgay edim yuz qatla,

Bo‘lmasa edi sochingg‘a dilbastalig‘im.

 

***

Sening bila menki, oshnolig‘ qildim,

Ishqingni hazin jong‘a balolig‘ qildim.

Ko‘rmay, bilmay meni vafosiz debsen,

Men senga ne nav’ bevafolig‘ qildim?