Gar Ruhdam etsa erdi ohangi nag‘am,

Majlista ne huzn qolur erdiyu ne g‘am.

To borg‘ali Ruhdam bizing majlisdin,

Majlis eliga ne ruh qoldi-yu, ne dam.

***

O‘t soldi ko‘ngulga ranju betoblig‘im,

Suv qildi bu xasta jonni beoblig‘im.

Bu ikkalasi agarchi bor muhliku sa’b,

Lek o‘lturadur tongg‘acha bexoblig‘im.

***

Ey gul, ne uchun qoshingda men xor o‘ldum?

Yuz mehnatu anduh bila yor o‘ldum.

Vasling bila bisyor sevundum avval,

Hajring bila oqibat giriftor o‘ldum.

***

Yuz nomai ishtiyoq tahrir ettim,

Yuz nav’ bila vaslinga tadbir ettim.

Ma’zur tut, ey quyoshki, tole’ yo‘qidin

Vaslingg‘a yetar mahalda taqsir ettim.

***

Yor yog‘lig‘idin ko‘ngulni xursand ettim,

Ruhum qushini tori bila band ettim,

Ko‘nglumni ne nav’ uzay o‘shal yog‘lig‘din,

Jon rishtasini torig‘a payvand ettim.