Bemehr desa el seni, men butmas edim,

Hargiz bu sifatni senga yovutmas edim.

Nohaq og‘rib, meni unuttung oxir,

Vallohki, sendin bu tama’ tutmas edim.

 

 ***

Islom uchun ovorai yoziy bo‘ldum,

Kufforu hunud harbsoziy bo‘ldum.

Jazm aylab edim o‘zni shahid bo‘lmoqqa,

Аlminnatulillohki, g‘oziy bo‘ldum.

 

 ***

Har kunda yuzungni ko‘rmak erur havasim,

Har kecha soching xayolidur hamnafasim.

Iso damidin ruh berur jismimg‘a,

Sening soridin payom keltursa nasim.

 

 ***

Qotingda agar gunoh gohe qildim,

Yuz qotla nadomat bila ohe qildim,

Qildim yomonu asru tabohe5 qildim,

Lutfung bila sen kechur, gunohe qildim.

 

***

Аhbob unutmasa kerak ahdi qadim,

Yetkursa kerak xabar gahi payki nasim.

Bobur, chu umid ila qilur arzi niyoz,

Shoyadki, qabul aylagay tab’i salim.