Bu olam aro ajab alamlar koʼrdum,

Olam elidin turfa sitamlar koʼrdum,

Har kim bu «Vaqoeʼ»ni oʼqur, bilgaykim,

Ne ranju ne mehnatu ne gʼamlar koʼrdum.

 

***

Hammomki, ark ichinda paydo qildim,

Sogʼinmaki, sudin tabarro qildim.

Sud ushbu emasmukim, tadbir bila

Pokiza badanlarni tamosho kildim.

 

***

Yuz shukr qilayki, yona oshiq boʼldum,

Olamgʼa boʼlub fasona, oshiq boʼldum.

Yaxshi soʼzungu vasfi jamoling eshitib,

Koʼrmay seni goyibona oshiq boʼldum.

 

***

Hammomki, qildim koʼrungizkim, ayyom,

Oʼxshatti aning bori ishi manga tamom.

Koʼz yoshi-yu koʼngul oʼti birla mendin

Gulchehralar istabon yuruydur hammom.

 

***

Ul yuzi quyoshki, bordur oydin afzun,

Husn ichra ul oy olida xurshid zabun.

To bir kun ul oydin navozish topqay,

Koʼk doira boʼldi-yu, jalojil oyu kun.