Xush ulki, kelib yonimda o‘lturg‘aysen,

Yo bir nafas ollimda kelib turg‘aysen.

Og‘zingg‘a o‘par so‘zin bitiy olmasmen,

Borg‘on kishidin og‘iz so‘zin so‘rg‘aysen.

***

Davlat bila shodu shodmon bo‘lg‘aysen,

Shavkat bila mashhuri jahon bo‘lg‘aysen.

Ko‘nguldagidek dahr aro kom1 surub,

Bu dahr borincha komron2 bo‘lgaysen.

***

Eykim, olam shohlari shohi sensen!

Bevosita manzuri3 ilohiy sensen!

Sen borsen, kimga eltay, ey shoh, panoh4,

Chun barcha jahon eli panohi sensen!

***

Zinhorki, do‘stluqni unutmag‘oysen,

Tuqqonlig‘din ko‘ngulni sovutmag‘oysen.

Yotlar bila dushman tarafin gar tutsang,

Tuqqonlig‘u do‘stlug‘ tama’ tutmag‘oysen!

***

Eykim, yoralig‘ jismima marham sensen,

Majruh ko‘ngulg‘a nishtar ham sensen.

Gah shodu gahi g‘amg‘in esam, ayb etma,

Kim boisi shodmonlig‘u g‘am – sensen.