Jonimda mening hayoti jonim sensen,

Jismimda mening ruhi ravonim sensen.

Boburni seningdek o‘zga yo‘q yori azizi,

Аlqissaki, umri jovidonim sensen.

 

***

Eykim, manga mujda berding ul jonondin,

Qilding meni ozod g‘ami hijrondin.

Bu mujdani ne nav’ sifat qilg‘aymen,

Go‘yoki, xabar berding o‘lukka jondin.

 

***

Davron meni o‘tkardi saru somondin,

Аyirdi meni bir yo‘li xonumondin.

Gah boshima toj, gah baloi ta’na,

Nelarki, boshimg‘a kelmadi davrondin.

 

***

So‘z so‘rg‘ali la’li nuktadoning topmon,

Yuz surtgali ul ostoning topmon.

Benomu nishonlig‘ istasam, ne tongkim,

Nomingni eshittimu nishoning topmon.

 

***

Аhbob yig‘inidin necha qolg‘aymen?

O‘zumni netib ul orag‘a solg‘aymen?!

Borsam dag‘i anda mehmon kasratidin,

Ma’lum emaski, yer topa olg‘aymen.