Ishq ishini boshtin yana bunyod etayin,

Ishqing g‘ami birla xotirim shod etayin.

Debsenki, unutma meni hijron aro, voy,

Seni unutub, ne kishini yod etayin?!

 

***

Yoring sening Ilohiy «Taborak» bo‘lsun!

Dushmanlaringga to‘’ma balorak bo‘lsun!

Mulkungda farog‘at bila xonliklar qil,

Mulkung bila xonlig‘ing muborak bo‘lsun!

 

***

Besabrmenu besaru somondurmen,

Bir g‘amzadadurmenu parishondurmen.

Ne dinning ishin qildimu ne dunyoning,

Yo Rab, netay, o‘z ishimga hayrondurmen.

 

***

Ul sho‘xki, bildurdi vafodorlig‘in,

Tark ayladi go‘yoki sitamkorlig‘in.

Lutf ayladi – yorliqqa farmon berdi,

А’do bila yordur, netay yorlig‘in?!

 

***

Sening bila so‘z muqarrar andoq qilayin,

Olamda seni mo‘’tabar andoq qilayin.

Tengri xaqi bu xidmat agar sen qilsang,

Har nav’ki, ko‘nglung tilar – andoq qilayin.