Nisyon qalamin necha menga surgaysan,

Vaqt o‘ldiki, hajr nomasin burgaysen.

Budur tilagim – xatimni chun ko‘rgaysen,

Аlbatta, o‘zungni manga yetkurgaysen!

 

***

Yo Rab, nega tund bo‘ldi shohim, bilmon,

Ko‘z yoshidin o‘zga uzrxohim bilmon.

Bir ham nazar etmas e’tiqodimni bilur,

Har lahza itob etar, gunohim bilmon.

 

***

Kechrak kelasen, bu xastadin to‘ydungmu?

Dil safhasidin harfi vafo yuydungmu?

Nomusu uyot kerak, uy, ot sahldurur,

Yuz qo‘y uchun ul eshikka yuz qo‘ydungmu?

 

***

G‘am xonasi sori guzar, ey jon, qilma!

Ishrat uyini kulbai ahzon1 qilma!

Zulfung kibi ko‘nglumni parishon aylab,

La’ling kibi bag‘rimni to‘la qon qilma!

 

***

Har zulftin, ey ko‘ngul, parishon bo‘lma,

Har yuzga ham asru zoru hayron bo‘lma.

Men senga demonki, tarki ishq et, lekin,

Аndoq qilkim, so‘ngra pushaymon bo‘lma!