Sen anda farog‘u ayshu ishrat birla,

Men munda xarobu ranju mehnat birla.

Аsrarmen o‘zum birla seni naqsh qilib,

Xursand bo‘lurmen ushbu suvrat birla.

 

***

Netgay kishi bu falak nifoqi birla,

Itgay bu falak otu suroqi birla.

Gah tirguzadur visol ayyomidin,

Gah o‘lturadur shomi firoqi birla.

 

***

Ne xesh meni xushlaru ne begona,

Ne g‘ayr rizo mendinu ne jonona.

Har nechaki yaxshiliqta qilsam afsun,

Xalq ichra yomonlig‘ bila men afsona.

 

***

Bu dahr aro gar ehtimoli bo‘lsa,

Mendek senga yori louboli bo‘lsa.

Ul yor base noziku yo‘q menda adab,

Mendin, ne ajab, agar maloli bo‘lsa.

 

***

Yor uldurkim, she’rg‘a mayli bo‘lsa,

Netgay kishi she’r g‘ayr xayli bo‘lsa.

Аg‘yorning ozorini har hol bila

Chekkaymen agar bori tufayli bo‘lsa.