Dunyo borisi manga musaxhar bo‘lsa,

Uqboda dog‘i Xudoy yovar bo‘lsa.

Budur tilagim ikki jahonda Haqdin,

Har ne tilasam, bori muyassar bo‘lsa!

 

***

Bobur bila Mir ittifoqi bo‘lsa,

Yo‘qtur g‘am agar jahon nifoqi bo‘lsa.

Budur tilagimki, shoh dargohida

Men banda uchun hamisha boqiy bo‘lsa!

 

***

Ko‘ngulga nechaki sayr matlub bo‘lsa,

Аhbobni so‘rmoq dog‘i marg‘ub bo‘lsa.

Gar hajring imtidodi mundin ortar,

Qolmas manga sabr – sabri Аyyub o‘lsa.

 

***

Xush ulki, bahor fasli bu dunyoda,

Bo‘lg‘ay tarab asbobi bori omoda.

Gar bo‘lmasa asbob, etoling dangona,

Mendin gazaku taom, sendin – boda.

 

***

Аhbobqa qilsang guzar, ey yel, nogoh,

Ul jam’ni bu so‘zumdin etgil ogoh.

Siz ko‘rgandek eson-salomatturbiz,

Siz dog‘i eson bo‘lg‘aysiz, inshoАlloh!