Holimg‘a kerak habib evrulsa edi,

Ishrat qadahi habibdin to‘lsa edi.

Xushvaqt turur yor, vale men noxush,

Xushvaqt bo‘lur erdim, chog‘ir bo‘lsa edi.

 

***

Jon ahdi bor, ey nigor, yetmasmu edi?

Ul ahd bila qaror yetmasmu edi?

Emdi dog‘i vasl intizorin berasen,

Muncha mahal intizor yetmasmu edi?

 

***

G‘urbat to‘zi yopqon ruxi zardimnimu dey?

Yo hajr chiqarg‘an ohi sardimnimu dey?

Holing nedurur, bilurmusen dardimni?

Holingni so‘raymu, yo‘qsa dardimnimu dey?

 

***

Ishvang bila g‘amzangni-yu nozingnimu dey?

Javrung bila so‘zungu gudozingnimu4 dey?

So‘zung, qilig‘ing, navozishingmu aytay,

Ovozu usulingni-yu sozingnimu dey?

 

***

Ko‘zum evi yuzidin musavvar bo‘ldi,

Bu vajh bila ko‘ngul munavvar bo‘ldi.

Yuz shukrki, Bobur kibi oshiqlikda,

Har neki tilab edim – muyassar bo‘ldi.