Xotirg‘a xutur etti bu so‘z yangla, axi,

Аytay senga, sen quloq solib ongla, axi.

Umrungni bu kun xush kechir ahbob ilakim,

Topilmog‘usidur ushbu kun tongla, axi.

 

***

Eshitsa kishi bu sho‘ru shevan, ne degay?

Doim bu tariq ichkuni ko‘rgan ne degay?

Dushman so‘ziga kirma, eshit do‘st so‘zin,

Eshitmasa so‘zni do‘st, dushman ne degay?

 

***

Ishqingda ko‘ngul xarobdur, men ne qilay?

Hajringda ko‘zum purobdur, men ne qilay?

Jismim aro pechutobdur, men ne qilay?

Jonimda ko‘p iztirobdur, men ne qilay?

 

***

Shohim, sanga ma’lum emastur, ne qilay?

Ohim sanga ma’lum emastur, ne qilay?

Men yuzu qoshing dermenu sen – badru hilol,

Mohim, sanga ma’lum emastur, ne qilay?

 

***

Boshimni tufayl ul saromadqa qilay,

Jonimni fido o‘shal sihi qadqa qilay.

Bu xasta ko‘ngul bila xamida qadni

Ko‘zi bila zulfig‘a oning sadqa qilay.