Tole’ yo‘qi jonimg‘a balolig‘ bo‘ldi,

Har ishniki, ayladim – xatolig‘ bo‘ldi.

O‘z yerni qo‘yib, Hind sori yuzlandim,

Yo Rab, netayin, ne yuz qarolig‘ bo‘ldi.

 

***

Husnungki sening shuhrai ofoq o‘ldi,

Jon birla ko‘ngul vaslingga mushtoq o‘ldi.

Hajring aro intizor haddin oshti,

Kel yo meni ista, toqatim toq o‘ldi.

 

***

Idrokingu tab’u hushungga banda bo‘lay,

Ovozu usulu jo‘shungga banda bo‘lay.

Taqsim qilurda naqshlarg‘a ab’yot,

Ta’rib bila o‘qushungga banda bo‘lay.

 

***

Bu chehrai zardimdin uyolsang, netgay?

Rahmat nazarini manga solsang, netgay?

Bir ishva bila ko‘ngul berib Boburg‘a,

Bir bo‘sa bila ko‘nglini olsang, netgay?

 

***

Ishqing, netay, ixtiyorsiz qildi meni,

Sabrimni olib, qarorsiz qildi meni.

Olam eli ichra orsiz qildi meni,

Zuhd ahlig‘a e’tiborsiz qildi meni.