Gar sidq bila birovki oshiq bo‘lg‘ay,

Ma’shuq visoli anga loyiq bo‘lg‘ay.

Pir ollida topqusi murodin beshak,

Har kimki agar muridi sodiq bo‘lg‘ay.

 

***

Har vaqtki ko‘rgasen mening so‘zumni,

So‘zumni o‘qub, sog‘inasen o‘zumni.

Vasling bila ko‘nglumni Xudoy aylab shod,

Shukrki, yorutdi yuzung bila ko‘zumni.

 

***

Boburki, demas har kishiga har so‘zini,

Elchingga dedi vale sarosar so‘zini.

Sultonali ar so‘zum senga desa, ne tong,

Ore, laqu daq degay qalandar so‘zini.