(17)

Bilur jahon elikim mehmon ziyofatidin,

Mening tariqim emas ijtinob qilmog‘liq.

Havo xush erdi-yu, ahbob dog‘i qo‘ymadilar:

Zarurat o‘ldi chog‘ir irtikob qilmog‘liq.

***

(18)

Otani chunki qibla debturlar,

Qibla yanglig‘ anga nazar qilg‘il.

Ota og‘ritma, ey otam, zinhor,

Ota ozoridin hazar qilg‘il.

***

(19)

Firoqing o‘lturur oxir meni dilxastani beshak,

Meni o‘ltur visolingda, ne ya’ni andoq o‘lturmak.

Necha nosih. nasihat dega-yu, men ham ne qilg‘aymen?

Azalda chunki bordur bu ko‘ngulga ko‘rguluk emgak.