Senga holimni yozdim, sajda qildim,

Aytqilkim, ne yozdim, ne yongildim?

***

Otin og‘zimg‘a oldim ersa, tortar tig‘i kin ul mah,

Meni gar o‘lturur bo‘lsa bu yozuq birla, bismillah.

***

Meni yo‘q e’tiqodi deb, bori el ichra yod etma,

Xudoy uchun bori elni o‘zungdek e’tiqod etma.

***

Jahon chun bevafodur, nechakim andisha Bobur qil,

O‘zungni podshoxi jumlayi olam tasavvur qil.

***

Mehr ila xursand etarsen, javr ila pomol ham,

Bir zamon g‘amgin qilursen, bir zamon xushhol ham.

***

Ko‘rmas jahonda hargiz ko‘nglini shod Bobur,

Topmas murodi dilni, ul nomurod Bobur.

***

Bu ko‘zaki, bo‘ynumg‘a qo‘yub kelmisham oni,

Har kim bu chog‘ir ichmasa, o‘z bo‘ynig‘a qoni.

***

Yod aylamading hargiz, munchaki yolinibmen,

Sen meni sog‘inmaysen, men seni sog‘inibmen.

***

Xati birla ul oy xaddi: biri – mohu biri – hola,

Yuzi birla aning qaddi: biri – sarvu biri – lola.