Ko‘k vusmada ul oy qoshi go‘yo xiloldur,

Yo oy boshida ko‘kta ko‘rungan hiloldur.

Ne nav’ o‘xshasun yuziga oftobkim,

Oning zavoli borduru bu bezavoldur.

Og‘zi-yu ikki zulfu qadi bo‘lmasa manga,

Rayhonu sarvu g‘uncha ko‘rardin maloldur.

Ushshoq ohi yelidin oseb tegmasun,

Qaddingki, husn bog‘ida nozik niholdur.

Ko‘nglumga dard kelgali xam bo‘ldi qomatim,

Qaddim magarki «dard» yonidag‘i «dol»dur.

Garchi vafou mehrni bilmas mening oyim,

Lekin jafovu javrda sohibkamoldur.

Har necha beinoyat esa yor, Boburo,

Sen qo‘yma xidmatingni-yu oni uyoldur.