Sinov yoʻsinida ishlamoqda
Ichgucha jomi ajal ko‘nglumda ul soqi(y)durur,
To‘lg‘ucha paymonam ul soqi(y) bila boqi(y)durur.
Bosh ko‘tarmon bodadin chun bor oyog‘i o‘rtada,
Qo‘ymon ilgimdin ayoq chun jilvagar soqi(y)durur.
Egma qaddim ayb qilma qoshi yolar ishqida,
Yangi oydek xam bo‘lur gar xud falak toqidurur.
Ul hiloling birla xursheding sifotin yozg‘ali
Muxtasardur filmasal gar charx avroqidurur.
Ishq ila maydin ko‘ngulni tutmog‘ing ne sudkim,
Dard nafyi’dur nechukkim, zahr taryoqidurur.
Turklar xatti nasibing bo‘lmasa, Bobur, ne tong,
Boburiy xatti emasdur, xatti sig‘noqi(y)durur.