To uzuldi ko‘nglum ul oy qaddidin afsurdadur,

Kim uzulgan g‘uncha gulning shoxidin pajmurdadur.

 

Ko‘ksum ichra tah-batah qonni bag‘ir qilmang xayol,

Kim aning ishqin yo‘lida birta etgan gurdadur.

 

Husn ko‘rmas ko‘zlarim, ko‘nglum dog‘i ishq istamas,

Go‘iyokim ko‘zlarimdur ko‘ru ko‘nglum murdadur.

 

Tan hijobin raf’ qil, gar yor vaslin istasang,

Ey ko‘ngul, bilkim aroda hoyil ushbu burdadur.

 

Bormu erkin ishq elinda, balki olam ahlida,

Muncha chog‘lig‘ hasratu anduhkim, Boburdadur?