Sochi-yu ko‘zi-yu qoshidin boshta havodur,

Ne boshda havo, har birisi boshqa balodur.

 

Qosh yosi bila ul qora ko‘z g‘amza o‘qini,

Ushshoqdin o‘zga sorig‘a otsa xatodur.

 

Gar chin desangiz, ko‘zi oning ohuyi Chindur,

Xattini xato qilmasangiz mushki Xitodur.

 

Evrulsam oning boshig‘a, topshursam anga jon,

Jonimda havas ulduru boshda bu havodur.

 

Ishq ichra yoshurg‘on yurakim qonini, vahkim,

Bu seli sirishkim bori olamg‘a yoyodur.

 

Bobur, desa oyini ne tong javru jafoliq,

Kim husn eli oyini, bale, javru jafodur.