Qo‘y, ey oqil nasihat so‘zlarinkim, dilpisand ermas,

Mening devona ko‘nglumga nasihat sudmand ermas.

 

Necha devona ko‘nglumni qilursen nafy, ey oqil,

Аgarchi telbadur bori seningdek xudpisand ermas.

 

Qilursen talx ayshim komini behuda so‘zlardin,

Sarosar so‘zlaring zahredur, ey nosehki, pand ermas.

 

Bo‘lubmen bir parining anbarin sochig‘a vobasta,

Meni telbaga emdi hojati zanjiru band ermas.

 

Jahonda ko‘p gado garchi lavand atvorliq bordur,

Va lekin, Boburo, hargiz seningdek shah lavand ermas.