Oldi ko‘nglumni, sog‘indimkim manga dildor emish,

Bilmadim, bu nav’ mendin ul pari bezor emish.

 

Oshiq o‘lg‘och ko‘rdum ul shamshod qaddin – yuz balo,

Аlloh-Аlloh, ishq aro mundoq balolar bor emish!

 

Iltifot etmasligin bozi xayol aylar edim,

Emdi bildimkim, anga mendin bu yanglig‘ or emish.

 

Ul pari ishqida yo‘q o‘lmoqdin o‘zga chorae,

Chun o‘zi – qotil, so‘zi – muhlik, ko‘zi – xunxor emish.

 

Husn ahli, ey ko‘ngul, olam aro ishq ahlining

Ko‘nglini soxlar emish, har kimgakim, dildor emish.

 

Ul vafosiz yordin chekmak ne, ya’ni muncha g‘am,

Husn ahli chunki, Bobur, dunyida bisyor emish.