Olida go‘yin ko‘rung, ilgida chavgonin ko‘rung,

Yuzida zulfi bila go‘yi zanaxdonin ko‘rung!

 

Sekretib yeldurganida tavsanig‘a ko‘z soling,

Yoyqolib yo‘l yurusa, sarvi xiromonin ko‘rung!

 

Ul pari maydon aro javlonda yuz ming noz ila,

Orqasinda yuz meningdek zoru hayronin ko‘rung.

 

Ishqida jonni malomat o‘qig‘a qilmang hadaf,

Qoshining yosini ko‘zlang, tiyri mujgonin ko‘rung!

 

Derki, Bobur, iltifot aylay sanga yetgan zamon,

Menga yetgach qoshida yuz chinu yolg‘onin ko‘rung.