Qaysi bir ozorin aytay jonima ag‘yorning,

Qaysi bir og‘ritqonin qo‘nglumni dey dildorning?

 

Qaysi bir berahlig‘ini tolei gumrohning,

Qaysi bir kajravlig‘ini charxi kajraftorning?

 

Qaysi hasrat birla armonin vafosiz vaslning,

Qaysi mehnat birla ranjin furqati xunxorning?

 

G‘urbat ichra, ey ko‘ngul, eldin vafo istarni qo‘y,

Chun vafosin ko‘rmading hargiz diyoru yorning.

 

Bobur, ul gul javr etar, ag‘yordin ne yaxshilig‘,

Gulning ozori bu bo‘lsa, vah, ne bo‘lg‘ay xorning?