Ne fikrekim, sening fikring emas – ul fikr erur botil,

Ne umrekim, o‘tar sensiz – erur ul umr behosil.

 

Taolalloh, ne ko‘zu qoshdururkim, har qachon ko‘rsam,

Gahi ko‘nglum bo‘lur bexud, gahi aqlim bo‘lur zoyil.

 

Jafou javr tavridin erursen asru ko‘p voqif,

Vafou mehr rasmidin bo‘lursen asru ko‘p g‘ofil.

 

Quyosh yanglig‘ yuzungga mendururmen volavu hayron,

Yangi oydek qoshingg‘a mendururmen oshiqu moyil.

 

Kechurdung oyu yilni mastu bexudluq bila, Bobur,

Necha g‘aflat bila umr o‘tkarursen, necha kun, oyil!