Ul parining tig‘idin qo‘rqutma meni, ey raqib,

Ishqida boshimg‘a mening har ne kelsa, yo nasib!

 

Evrulub boshingg‘a, ey oy, qilmisham tarki vatan,

Rahm qilg‘il mangakim, sargashtadurmen, ham g‘arib.

 

Telba bo‘lmoqlig‘din o‘zga chorae yo‘qtur manga,

Ul pariro‘ nogahon ar chiqsa uydin yosanib.

 

Jonda berkitgan o‘qin chekmak manga ranjedurur,

Qo‘yg‘il ul o‘qni, chekay deb ranj chekma, ey tabib.

 

Boburo, hargiz quloq she’ringg‘a ul gul solmadi,

Gulga ne parvoki, yuz faryod qilsa andalib.