Bu yangligʼ bilsam erdi hajrning muhlik qaro shomin,

Berurmu erdim oʼlguncha iligdin vasl ayyomin?!

 

Jahonda ayshu ishratdin koʼngul orom topqaymu,

Kishi to koʼrmaguncha yonida mahvash diloromin?

 

Koʼngulda hasrati ul oyning ogʼzining chu behaddur,

Koʼngul goʼyoki mundindur tutubtur gʼuncha andomin.

 

Masih anfosi yangligʼ jon berur farsuda jismimgʼa,

Sabo keltursa nogah hajr aro ul yor paygʼomin.

 

Muvofiq yorlar birla bu damni xush kechur, Bobur,

Na uchunkim, kelur damgʼa boʼla olmas kishi zomin.