Tushumda chun quyoshdek orazingni ko‘rdum o‘trudin,

Tilarmen to qiyomat ochmag‘aymen ko‘zni uyqudin.

 

Sening vaslingdin ayru tushgali borg‘on sori ortar,

Tahassur orqadin, mehnat yonimdin, hajr o‘trudin.

 

Ko‘nguldin qat’i ummid ayladim ul vaqtkim bildim,

Kesildi rishtai jondin, osildi tori gesudin.

 

Tiya olmon yig‘ini ko‘rgach ul yoshni, vale, ul ham

Ko‘zum yoshini ko‘rgach, asray olmas o‘zni kulgudin.

 

Ko‘zum yoshiki yemruldi shikebu sabr uyi ondin,

Ziyonlar sanga, ey Bobur, bu yanglig‘ bilmadim su(v)din.