Mening ko‘nglumni har dam og‘ritib, parvoye qilmaysen,

Sen, ey bedard, naylaykim, ko‘ngul dardini bilmaysen.

 

Ne bilg‘aysen mening dardu g‘amim har soatu har dam –

Ki, husn usruklugidin oyu yil, ey oy, oyilmaysen.

 

Vafo maktubi birla g‘amza o‘qin hech yozmaysen,

Jafo rasmi-yu javr oyinini hargiz yongilmaysen.

 

Qotilma, ishq eli holin chu bilmassen, manga, ey shayx,

Ne bilgaysenki, hargiz bu jamoatg‘a qotilmaysen.

 

Bo‘lubtur ishqing ichra garchi xasdek jismi Boburning,

Vale, ne foydakim xascha chog‘liq ko‘zga ilmaysen.