Qayong‘a borsang itingmen, o‘zumni yetkurayin,

Yetishmasam sanga boqib, duo qilib turayin.

 

Yuzum bo‘sag‘angga sursam – ne yaxshi ayshdurur,

Inoyat et, eshigingda bu ayshni surayin.

 

Firoqing ichra yig‘idin nechuk yig‘ay o‘zni,

Yoshim bosh urdi jahong‘a, ne nav’ yoshuroyin.

 

Necha tag‘oful etib, menga boqmayin yurar ul,

Necha tazarru’ etib, men anga boqib turayin.

 

Quyoshg‘a zarra nazar solmag‘ay sevunmakdin,

Qutulsa g‘am tunidin, ko‘rsa yona Bobur oyin.