Necha la’lingdin mening bag‘rim to‘la qon qilg‘asen?

Xotirimni necha zulfungdek parishon qilg‘asen?

 

Necha yetkurgaysen el boshini ko‘kka mehr ila,

Necha meni javrdin yer birla yakson qilg‘asen?

 

Ko‘ngluma dashnomu ta’ning ulcha maqdur etgasen,

Jonima bedodu zulmung ulcha imkon qilg‘asen.

 

Manga bormoq mushkilu kelmak sanga osondurur,

Ushbu mushkilni manga, yo Rab, sen oson qilg‘asen.

 

Demagay ahsanta lafzin, Bobur, ul yoring sening,

Nechakim Hasson kibi o‘zni suxandon qilg‘asen.