Sinov yoʻsinida ishlamoqda

Sendin nafase murod topmon ...

Sendin nafase murod topmon,

Ishqingda ko‘ngulni shod topmon.

 

Ishq ahlig‘a iltifot ko‘rmon,

Husn ahlida e’tiqod topmon.

 

Qilsam sanga har necha tazallum,

Faryodu fig‘onki, dod topmon.

 

Faryodki, deyarga ishq rozin,

Bir kishini e’timod topmon.

 

Qoshing g‘ami sharhini yozarg‘a

Ko‘z qorasidek midod topmon.

 

Men banda juz inqiyod bilmon,

Sen shohda juz inod topmon.

Sendin nafase murod topmon ...