Sinov yoʻsinida ishlamoqda

Xush ulki, yona muborak yuzungni ko‘rgaymen ...

Xush ulki, yona muborak yuzungni ko‘rgaymen,

Yuzum bila qadaming gardini supurgaymen.

 

Demaki, javr kelur sanga yor ko‘rmaktin,

Meni ne qo‘rqutasen, har ne kelsa ko‘rgaymen.

 

Gahi jafou gahi javr etib yuz evurasen,

 Men ul emonki, bular birla yuz evurgaymen.

 

Necha firoq xumori aro azob chekay,

Qachon visol mayidin dame esurgaymen.

 

Firoq o‘tida ovunsam chog‘ir bila ne ajab,

Magar bu suv bila ul shu’lani o‘churgaymen.

 

Demish meniki, itim chargasinda ko‘rgumdur,

Necha bu va’da bila, Boburo, yugurgaymen.

Xush ulki, yona muborak yuzungni ko‘rgaymen ...