Sochining savdosi tushti boshima boshtin yana,

Tiyra bo‘ldi ro‘zgorim ul qaro qoshtin yana.

 

Men xud ul tifli parivashg‘a ko‘ngul berdim, vale

Xonumonim nogahon buzulmag‘ay boshtin yana.

 

Yuz yamonlig‘ ko‘rub andin telba bo‘ldung, ey ko‘ngul,

Yaxshilig‘ni ko‘z tutarsen ul parivashtin yana.

 

Tosh urar atfol meni, uyida forig‘ ul pari,

Telbalardek qichqirurmen har zamon toshtin yana.

 

Oyog‘im yetguncha Boburdek ketar erdim, netay,

Sochining savdosi tushti boshima boshtin yana.