Kim ko‘rar xurshidni, ul mohsiymo bo‘lmasa,

Kim so‘rar shakkarni, ul la’li shakarxo bo‘lmasa.

 

Gul tikandur ko‘zlarimga ul yuzi guldin yiroq,

Sarv o‘qtur bag‘rima ul sarvi bolo bo‘lmasa.

 

Jannatul-ma’voni, ey zohid, netay men zorkim,

Istaram ko‘yidin o‘zga manga ma’vo bo‘lmasa.

 

Tiymag‘il devona ko‘nglumniki, rasvo bo‘lma deb,

Oshiq o‘lg‘aymu edi ul telba rasvo bo‘lmasa.

 

Gar boshingni kessalar ishqida, ey Bobur, sening,

Yordin ko‘nglung kerakkim o‘zga kat’o bo‘lmasa.