Stil Flora Anna (1847-1929) - ingliz yozuvchisi, mashhur noshir Jorj Vebsterning qizi. Angliyaning Hindistondagi nozirlarvdan biri Genri V.Stilga turmushga chiqib, 22-yil Hindistonda yashagan, hind xalqining urf-odatlari, Hindiston tarixi, xususan, Boburiylar bilan qiziqqan. Asarlari “Besh daryo sohilidan”, “Panjob ertaklari” nomlari bilan nashr etilgan. “Hindiston asrlar ichra” ommabop tarix kitobida Bobur va Boburiylarga alohida e’tibor qaratilgan, “Inson tilsimi” romanida Bobur siymosi qalamga olingan.

Asos: Bobur ensiklopediyasi. Uchinchi nashr. Toshkent., 2023 y. 643-bet. (Abdulla A’zam)