Golkonda – 16-asrlarda Hindistonning janubi-sharqidagi qudratli feodal davlati. G. shimolda bobiriylar imperiyasi, g‘arbda Bijopur, janubda Karnatik b-n chegaradosh bo‘lgan. Unga bahmaniylarning Varangal shahridagi noibi Quliy Qutb shoh asos solgan (1512). Poytaxti dastlab Golkonda qal’asi edi, 1589-yili Bhagnagar (hozirgi Haydarobod)ga ko‘chirilgan. G.da sug‘oriladigan dehqonchilik, kosibchilik, tikuvchilik, kemasozlik, temir rudasi, ayniqsa olmos qazib chiqarish va tarashlash rivojlangan. Olmos, yuqori sifatli temir va po‘lat, shuningdek po‘latdan tayyorlangan buyumlar va qurollar 16-17- asrlarda boshqa sultonliklarga chiqarilgan. Mamlakatda ichki va tashqi savdo keng rivojlangan... 1646-47-yillarda Bijonagarning Karmandal qirg‘og‘idagi Orissadan Maduragacha bo‘lgan terr-yasi G. tarkibiga kirdi. 1687-yilda Avrangzeb G. yerlarini o‘z davlatiga qo‘shib oldi.
O‘zbek Sovet Ensiklopediyasi. 14 tomlik. Bosh red. O‘zSSR FA akademigi I.M.Mo‘minov. –T. O‘zSE Bosh redaksiyasi. -1971-1980. -630-640 b. t.3. 1972. – B. 380-381. (O‘zbekcha)
Fikr qoldirish#